SURPRISE SCHOOL VISIT SA NORTHERN SAMAR SCHOOLS PADAYON NGA GIN DUDUMARA SAN SAN BAGO NGA SDS

EUGENE MONTAÑO ENANO/June 19, 2023/Catarman Northern Samar- Bilang strategic nga mga pitad  sa panuyu-anan nga makab-ot  an pag-hatag sin accessible, quality, equitable ngan  sustainable education sa ngatan nga mga learners nga makakabulig sa probensya san Northern Samar nga atuhan an kakuri-an nga natatagamtaman, an Representate sa  Department of Education (DepEd) Northern Samar,  an   newly installed Schools Division Superintendent (SDS), Dr. Gaudencio C. Aljibe Jr., PhD, CESO VI iya gin dudumara an supresa nga  pagbisita sa mga eskwelahan nga  sakop sa probinsya.

Samtang, sa pahayag ni SDS Aljibe an primero nga panuyo sa kanya pagbisita san mga school site ini para ma-monitor an mga projects ngan programs agud matagan priority adton mga gin papatuman sa ahensya. 

An DepEd  Northern Samar sa yana hugot nga nag-hihingyap nga mas magin proactive ngan inclusive an pagaradman base san existing activities segun sa  mandato san departmento mahiunong sa mga policies, activities  ngan programs na magsisirbe nga melting pot sa mga learners sa pagkonsiderar san magkaduru-dilain nga kultura ngan  geographical backgrounds.

Gin tagan punto ni SDS Aljibe nga an school site visit, inspection o field monitoring in pinaka-importante nga pitad san kanya pamumuno sa edukasyon sa Northern Samar agud mahibaruan an ungod nga kamutangan san mga eskwelahan, learners ngan an mga mag-turutdo para matagan sin suhestiyon ngan  rekomendasyon agud mas mapalaksi, magin sustinable ngan magin epiktibo an paghahatag sini serbisyo sa pag-aradman san mga  komunidad sa Northern Samar nga kabulig an mga opesyal san lokalidad.

Subay san  DepEd Northern Samar Division sa pinakabag-o  nga datos, ini mayaon sin 186,497 learners,  9,261 teaching ug teaching related personnel ngan  711 nga eskwelahan  sa sulod san 46 distrito.#