MAYOR SUAN IGIN BALIK NA SA PAGSERBISYO BUNGTO SAN ALLEN: DILG IGIN SERBE AN REINSTATEMENT ORDER

CATARMAN NORTHERN SAMAR/APRIL 30, 2024---Ginserbe kahapon nga adlaw April 29, 2024 ni DILG Provincial Director Geraldine Maquelabit kan Mayor Suan an Kamando-an san Ombudsman pinaagi san Memorandum basi ig implementar an Joint Order sa duha nga mga kaso administrativo nga gin sang-at ni Maricon Ablig.

Sini  gin-abswelto si Mayor Suan san pag-baliskaron san Ombudsman an  nauna nga decision kahuman paburan an Motion for Reconsideration ngan Partial Reconsideration nga gin sang-at sa kampo san mayor.

Sa bag-o nga Ombudsman decision, gin deklara nga waray pag-abusar sa katungdanan an mayor dida san nahinabo nga road construction sa sayo nga lugar sa bungto san Allen, nga kabaliktaran san akusasyon nga waray kaangayan nga abiso ngan pagtuyang an tagreklamo.

Sa pagka-reinstate san suspendido nga Mayor, mabalik na si Vice Mayor Christian Lao sa iya kanya pagka-Vise Mayor san Allen nga tumindug nga acting mayor san bakantehon ni Suan an kanya pwesto tungod san 6 ka bulan nga suspension.

Sa pagpahayag si Mayor Suan sa kanya facebook post nga apisar san panhitabu gumawas gihapon an kamatuoran. Ginkonsiderar niya an ginawas nga decision san Ombudsman ini tigaman sa malimpya nga kanya pamunuan  para katawhan, gin pasalamatan liwat niya an Ombudsman dida sa ungod ngan mabaskog nga sandigan san kamatuoran. 

Sugad man gin paabot liwat sini an kany pasasalamat sa mgataga Allen dida sa hugot nga suporta ngan paghigugma.#