2 ARESTADO, 100K KANTIDAD SIN SHABU NGAN MGA PUSIL NAREKOBER SA BUY-BUST OPERATION

Nagin manilampuson nga naaresto san mga tawuhan san Catarman Municipal Police Station  sa pangunguna ni PLTCOL JOHN RYAN C DOCEO, chief of police, kaupod  an Philippine Drug Enforcement Agency, an 2 nga suspek sa igin dumara nga buy-bust operation banda ala 1:35  sa kaagahon sini nga Agosto 21, 2025 sa Mijares Hotel, Brgy. Dalakit, Catarman Northern Samar . 

Gin kilala an mga naaresto nga suspek na sira alias “Magno,” 26 anyos, lalaki, self-employed, residente sa Brgy. Bugay, Las Navas, Northern Samar ; ngan alias “Jerry,” 19 anyos , lalaki, self-employed, solo, residente sa Brgy. Bukid, san nasabi manta nga bungto sini nga probensya. 

Nakuha sini an sayo nga ditoy na heat-sealed transparent plastic sachet na may sulod na gin tutuohan mga shabu na nagsirbi nga subject of sale, 2  medium, 2 small  ngan sayo na dako nga heat-sealed transparent plastic sachet na may sulod na gin tutuohan nga shabu mga pusil ngan magkadurudilain nga klase sin bala, buy-bust money, ngan iba pa nga non-drug paraphernalia. 

May kabugosan nga kantidad san nakumpiska nga gin tutuohan nga shabu ₱102,000.00 subay sa pagbana-bana san Dangerous Drugs Board (DDB).

An mga nakumpiskar nga ebidensya igin sailarum inimbentaryo nga gin pan-markahan sa mismo san lugar san operasyon sa presensya san mga opisyal san barangay sa Brgy. Dalakit, Catarman  ngan media representative. 

Sa yana nasa kustodiya san Catarman MPS an mga naaresto nga mga suspek ngan nakatalaan na pag aasang-atan sin kaso sa pagtalapas sa Seksyon 5 ngan 11 san R.A. 9165 (Comprehensive Dangerous Drugs Act of 2002) ngan R.A. 10591 (Comprehensive Firearms and Ammunition Regulation Act).

Sa sayo nga pahayag gin tagan punto ni PLTCOL DOCEO an kaimportantihan sa padayon  nga koordinasyon ngan suporta san magkadurudilain nga sektor sa pagpapatuman san balaod, 

“Ang tagumpay na ito ay bunga ng matibay na koordinasyon sa pagitan ng ating mga tagapagpatupad ng batas at ng komunidad. Asahan ninyong mananatiling tapat ang Catarman MPS sa aming layunin na wakasan ang paglaganap ng ipinagbabawal na gamot at hindi lisensyadong armas.”#