NORTHERN SAMAR NAKA-ALERTO SA TARHOG SAN BAGYO OPONG, PREEMPTIVE NGAN FORCED EVACUATION GIN PAPATUMAN

Nasa Signal No. 3 an Wind Signal sa coastal areas sa second district ngan Signal No. 2 naman sa iba ng parte sa Northern Samar ngan makaka-ekeryensya liwat sin storm surge sumala san PAGASA. 

An Provincial Disaster Risk Reduction and Management Council nagdumara na liwat ini sin meeting kanina sa kulop sini nga September 25, 2025 didto sa Northerm Samar PDRRM Hall, Capitol Brgy. Dalakit Catarman, Norte san Samar. 

An probensya sa yana naka alerto ngan gin pakusog an preparasyon para  masiguro an safety san mga komunidad sa Northern Samar 

An mga uniformed personnel, emergency response teams, ngan volunteers yana naka-deploy na sa iba- iba nga parte san probinsya ngan igin dudumara an preemptive ngan forced evacuation sugad man liwat an kaandaman san mga available resources para sa malaksi nga pag-baton sa panginahanglan. 

Tungod sini padayon an koordenasyon sa mga ahensya ngan LGUs agud masiguro ngan hitsonado an pagdumara san kinahanglanon na mga pitad, an basic needs, sugad san essential food ngan tubig supplies, yana naka-prepositioned na sa bug-os nga probensya. 

Sugad man padayon an panawagan sa ngatanan labi na sa mga nasa coastal, landslide prone ngan low lying areas, nga sumunod sa mga awtoridad ngan mag-evacuate na.

Sa, yana na 170 nga residente an nag-evacuate tikang sa coastal areas sa Barangay Dalakit, Catarman, Northern Samar,  nga yana ini nasa  capitol gym. 

Makahuman an suspension san sea travel sito Wednesday, September 24, an Philippine Coast Guard igin report nga nasa 231 stranded passengers nga 180 rolling cargoes dida mga ports san Allen ngan San Isidro.

Samtang, si Provincial Disaster Risk Reduction Officer Josiah Echano nagpahimatnon nga an  rescue personnel san Northerm Samar alerto nga naka-standby Ara sa immediate deployment.#