4Ps ๐๐น๐น๐ผ๐๐ฎ๐ป๐ฐ๐ฒ sa Bungto san ๐๐ฎ๐๐ฎ๐ฟ๐บ๐ฎ๐ป ๐๐ฎ ๐๐๐ฎ๐๐ต na Makukuha
4Ps ๐๐น๐น๐ผ๐๐ฎ๐ป๐ฐ๐ฒ sa Bungto san ๐๐ฎ๐๐ฎ๐ฟ๐บ๐ฎ๐ป ๐๐ฎ ๐๐๐ฎ๐๐ต na Makukuha
January 21, 2026/Catarman N. Samar–Tikang yana nga Enero 2026 an igliliwat ngadto sa digital cash disbursement para sa mga benepisyaryo san Pantawid Pamilyang Pilipino Program (4Ps) sa Bungto san Catarman Northern Samar.
Ini an gin latag na report san 4Ps Catarman Team san Municipal Advisory Committee (MAC) meeting nga pinangunahan ni Municipal Administrator Renato Esidera.
An paggamit san Gcash ini resulta san ginbuhat nga survey san naglabay nga tuig 2025 sa mga 4Ps households para hibaruan kun pabor sira sa pagbalhin tikang sa tradisyonal nga LandBank cash card ngadto sa GCash nga digital nga pamaagi sa pagkarawat san cash grants.
Dida san survey, 163 ka households an nagpabor, ngan sira an magiging pilot households para sini nga digital transition san 4Ps dinhi sa Catarman.
An Municipal Link (ML) an maghahatag sin oryentasyon para igsaysay sa mga benepisyaryo an proseso ngan sakto nga paggamit san GCash. Pira san bentahe sini an pagkayaon sin hul-os nga kontrol san miyembro sa ira salapi, ngan puyde nira mahibayad sa tindahan, sa electric bill o mai-cash in sin diri na kinahanglan magpakadto sa bangko para mag-withdraw.
Dida sa MAC meeting ginpresentar liwat san 4Ps Catarman Team an major activities san ira opisina sa naglabay nga tuig 2025, ngan an mga prayoridad san programa para yana nga tuig 2026.
Sulod san 7 katuig, an kada miyembro ngapamilya gintatagan sin: P300 -sa kada anak nga naeskwela sa elementarya; P500 para sa kada estudyante sa Junior High School ; ngan P700 sa Senior High School. May P750 para sa pamilya, ngan P600 rice subsidy kada bulan.
Kun may anak nga 0-2 years old mayaon ini P300 nga subisidiya sa gubyerno. Sa panahon sin kalamidad naghahatag liwat an UNICEF sin P1,000 kada pamilya kun Signal No. 4 an bagyo.#
Comments
Post a Comment